<?xml version="1.0" encoding="UTF-8"?><song><lyrics>[V1]
 Ишонганим ташлаб қўйганда
 Менсиз кулиб, ўйнаб, тўйганда
 Жим, пичоқсиз гоҳо &quot;сўйганда&quot;
 Раббим Сиздан яқин кишим йўқ!

[V2]
 Мақтовчини кўпини кўрдим
 Эгилганни &quot;хўп&quot;ини кўрдим
 Фақат Сиздан мен ёрдам сўрдим
 Раббим Сиздан яқин кишим йўқ!

[V3]
 Кеча чўзсам ёрдам қўлимни
 Бугун чиқиб тўсар йўлимни.
 Турса раво кўриб ўлимни
 Раббим Сиздан яқин кишим йўқ!

[V4]
 Унутарлар кимлигин дарров
 Ёрдам сўрсанг, сўрарлар гаров.
 Яқинингми билмайсан биров
 Раббим Сиздан яқин кишим йўқ!

[V5]
 Қабоғ уйиб ўтар ёнимдан
 Қондошим ҳам кечар қонимдан
 Сизни таниганим онимдан
 Раббим Сиздан яқин кишим йўқ!

[V6]
 Бандада деб қўлим силтадим
 Синадим кўп, сўзламайин жим.
 Ишонмайман чин деса севгим
 Раббим Сиздан яқин кишим йўқ!

[V7]
 Иш битгунча Ота дегайлар
 Пул топса гар сенга ўгайлар.
 Ошин паналарда егайлар
 Раббим Сиздан яқин кишим йўқ!

[V8]
 Айёрлигин қилар намоён
 Айёр юрак мисоли чаён.
 Индамайман бўлса ҳам аён
 Раббим Сиздан яқин кишим йўқ!

[V9]
 Тушундимки одам зоти бир
 Тушундимки ичкариси кир.
 Энди кимга талпинай ахир?
 Раббим Сиздан яқин кишим йўқ!

[V10]
 Ташлаб қўймадингиз бир дам ҳам
 Шодликда ҳам, чексам ҳам ситам
 Сиздир Яратувчи ва Эгам
 Раббим Сиздан яқин кишим йўқ</lyrics>
<title>Раббим Сиз яқинимсиз</title>
<author>Улуғбек Абдуҳалимов, Равшан Ҳизиров</author>
</song>